वीज पडून दोघांचा मृत्यू, तीन जखमी
कांद्री व नीलज शिवारातील घटना
कन्हान, ता. 5 ऑगस्ट
विजांच्या गडगडाटासह असलेल्या मुसळधार पावसादरम्यान अचानक शेतशिवारात वीज पडल्याने दोघांचा जागीच मृत्यू झाला तर तिघे गंभीर जखमी आहे. ही घटना कांद्री व नीलज शिवारात आज गुरुवारी दुपारच्या सुमारास घडली. राधेलाल भीमराव डहारे (२५), रा.आजनी,फेटाणेची, ता. रामटेक व नंदाबाई
आजनी रामकृष्ण खंडाते (३२), रा.नीलज, ता. पारशिवनी अशी मृतकांची नावे आहे.
प्राप्त माहितीनुसार कन्हान परिसरात आज दुपारी विजांच्या गडगडाटासह मुसळधार पावसाने हजेरी लावली. अशातच कांद्री-बोरडा टोल नाक्यामागील शेतात धानाची रोवणे करीत असलेल्या राधेलाल डहारे या मजुराचा अंगावर वीज पडल्याने त्याचा जागीच मृत्यू झाला तर सोबत काम करीत असणारे दोन मजूर जखमी झाले. दुसऱ्या घटनेत दुपारी ४.३० वाजताच्या सुमारास नीलज ( खंडाळा) शिवारातील एका शेतात धान रोवणी करत असलेल्या महिला शेतमजूर नंदाबाई खंडाते यांच्या अंगावर वीज पडल्याने त्यांचा जागीच मृत्यू झाला तर त्यांच्यासोबत काम करीत असलेली रेखा मुकेश चौधरी (३५), रा. नीलज ( खंडाळा) ही गंभीर जखमी असून तिला उपचारार्थ कन्हान येथील खासगी रुग्णालयात दाखल करण्यात आले आहे.
