कोलार नदीच्या डोहात आढळला मृतदेह
सावनेर : मागील दोन दिवसांपासून बेपत्ता असलेल्या एका युवकाचा नंदाजी बाबा देवस्थान हेटी परिसरातील कोलार नदीच्या डोहात मृतदेह आढळून आल्याची घटना मंगळवारी दुपारी बारा वाजताच्या सुमारास उघडकीस आल्याने खळबळ उडाली . उत्तम बंडू वाघ ( वय ३२ , पानउबाळी , ता . कळमेश्वर ) असे मृत युवकाचे नाव आहे .
मिळालेल्या माहितीनुसार उत्तम कुटुंबासह हेटी गावातील नंदाजी बाबा देवस्थानात पूजा अर्चना करण्यासाठी आला होता . देवदर्शनानंतर सर्वांनी सहभोजन केले . यादरम्यान जवळपास चार वाजताच्या सुमारास तो बेपत्ता होता . त्यामुळे कुटुंबीयांनी चौकशी करणे व शोध घेणे सुरू केले होते . कुठेही पत्ता लागत नसल्याने हेटी शिवारातील कोलार नदी पात्रात शोध घेत असताना परिवारास त्याचा मृतदेह आढळून आला
