आरोपी पकडण्यास गेलेल्या पोलीस कर्मचाऱ्यावर चाकू हल्ला
दोन युवकांवर विरुद्ध गुन्हा दाखल, एकास अटक
कन्हान,ता.१८ नोव्हेंबर
शहरात असामाजिक तत्वांचा दिवसेंदिवस बोलबाला वाढुन आरोपी पकडण्याकरिता गेलेल्या पोलीस कर्मचाऱ्यावर दोन आरोपींनी चाकुने हल्ला केला. पोलीसाला जख्मी केल्याची धक्कादायक घटना कन्हान शहरातील आंबेडकर चौकात घडल्याने परिसरात एकच खळखळ उडत भीतीचे वातावरण निर्माण झाले. पोलीस स्टेशन कन्हान अंतर्गत शांती सुव्यवस्थाचा प्रश्न निर्माण झाल्याने पोलीस निरीक्षक विलास काळे यांच्या कार्यप्रणालीवर प्रश्ना निर्माण झाला आहे.
गुरुवार (दि.१७) नोव्हेंबर ला सायंकाळी ७.३० वा.च्या दरम्यान पोलीस निरीक्षक विलास काळे यांच्या आदेशानुसार पो.अ वैभव ज्ञानेश्वर बोरपल्ले ३० रा.गणेश नगर कन्हान हे आपल्या सहकार्य सह अप क्र ६०६/२२ गुन्हयातील आरोपी पकडण्यासाठी परिसरात पेट्रोलिंग करीत असतांना गुप्त बातमीदाच्या माहितीनुसार गौरव उर्फ तेनाली राजु राऊत रा. अशोक नगर कन्हान, प्रशांत सार्वे रा. कन्हान हे आंबेडकर चौक येथे अवैधरित्या कोणाला मारण्याच्या उद्देशाने चाकु घेऊन फिरत आहे. अशा विश्वसनीय माहिती वरून पो.अ वैभव बोरपल्ले, पो.शि सम्राट वनपर्ती पोलीस कर्मचारी आरोपी पकडण्या करिता घटनास्थळी पोहचले. पो.अ वैभव बोरपल्ले व पो.शि सम्राट वनपर्ती यांनी आरोपी तेनाली उर्फ गौरव राऊत यास पकडले असता त्यांचा साथीदार युवक प्रशांत सार्वे यांने तेनाली यास पोलीस अमलदार यांचा ताब्यातुन हिसकावण्याचा प्रयत्न करून सरकारी कामात अडथळा आणला व तेनाली यास ” अबे सामान निकाल मार सालेको ” असे म्हटल्याने आरोपी तेनाली याने त्याचा खिश्यातुन चाकु काढुन पो अ वैभव बोरपल्ले याचा पोटावर वार करण्याचा प्रयत्न केला. वैभव बोरपल्ले यांनी तो अडविताना त्याच्या डाव्या हाताच्या पंज्याचा करंगळीच्या मागील बाजुस लागुन जख्मी झाले. हे पाहुन तेनाली याने तो चाकु आपल्या उजव्या हाताने आपल्या डाव्या हाताच्या मनगटावर मारल्याने त्याचा डावा हात आतील बाजुने कापला गेला. सदर घटनेनंतर कन्हान पोलीसांनी घटना स्थळाचा पंचनामा करून जख्मी पो अ वैभव बोरपल्ले व आरोपी तेनाली यांना सरकारी वाहनाने उपजिल्हा रुग्णालय कामठी येथे उपचाराकरीता नेऊन उपचार केला. वैद्यकीय अधिकारी यांनी पुढिल उपचाराकरीता मेडीकल हॉस्पीटल नागपुर येथे पाठविण्यात आले. आरोपी तेनाली उर्फ गौरव राऊत याने पोलीस अमलदार वैभव बोरपल्ले यांना जीवाने ठार मारण्याचा प्रयत्न करित आरोपी तेनाली व त्याचा साथीदार प्रशांत यांनी सरकारी कामात अडथळा निर्माण केल्याने कन्हान पोलीसांनी वैभव बोरपल्ले यांच्या तक्रारी वरून पोस्टे कन्हान ला गौरव उर्फ तेनाली राजु राऊत, प्रशांत सार्वे यांचा विरुद्ध अप क्र ६७१ /२०२२ कलम ३५३, ३०७, ३४ भादंवि सहकलम ४, २५, २७ भा.ह.का १३५ म.पो.का अन्वये गुन्हा दाखल केला असुन पुढील तपास कन्हान पोलीस स्टेशन चे पोलीस निरीक्षक विलास काळे यांच्या मार्गदर्शनात कन्हान पोलीस करीत एका आरोपीचा शोध घेत आहे .
कन्हान पोलीस स्टेशन अंतर्गत रक्षकच भक्षकांची भुमिका बजावित असल्याने सर्वसामान्य नागरिकांना त्रास सहन करावा लागत आहे. कन्हान शहरात पोलीसावर जिवे मारण्याच्या हमल्याची दुसरी घटना असुन पोलीस मुंग गिळुन मुक दर्शक असल्याने शेवटी असामाजिक तत्व पोलीसांवर सुध्दा हमला करण्यास मागे पुढे पाहत नसल्याने कन्हान पोलीस स्टेशन व पोलीस प्रशासन आहे किवा नाही. असा प्रश्न उपस्थित होत असुन सुध्दा वरिष्ठ पोलीस अधिकारी सुध्दा कार्यवाही न करण्याचे कारण समजण्याच्या पलीकडे आहे.
Post Views: 913
Sat Nov 19 , 2022
दखणे हायस्कूलच्या शालेय खो-खो स्पर्धेत दबदबा कायम कन्हान,ता.१८ नोव्हेंबर महाराष्ट्र शासनाच्या क्रीडा व युवक सेवा विभागाच्या विद्यमाने तथा जिल्हा क्रीडा अधिकारी व जिल्हा क्रीडा परिषद च्या वतीने सन 2022-2023 या सत्रातील शालेय तालुकास्तरीय क्रीडा स्पर्धा तालुका पारशिवनी मधील हरिहर विद्यालय पारशिवनी येथे सुरू असलेल्या शालेय खो-खो स्पर्धेत […]
