“ ही ” तरुणी मोडणार देवेंद्र फडणवीसांचा सर्वात तरूण महापौरपदाचा विक्रम
नागपुर : देशातील सर्वात तरुण महापौर होण्याचा विक्रम महाराष्ट्राच्या विधानसभेतील विरोधी पक्षनेते देवेंद्र फडणवीस यांच्या नावावर आहे . देवेंद्र फडणवीस वयाच्या 27 व्या वर्षी नागपूर महापालिकेचे महापौर झाले होते . त्यावेळी देवेंद्र फडणवीस नागपूरच्या राम नगर वार्डमधून विजयी झाले होते . देवेंद्र फडणवीस राज्याच्या उपराजधानीचे महापौर झाले होते . तर , आर्या राजेंद्रन केरळची राजधानी असलेल्या तिरुवनंतपुरमची महापौर होणार आहे . तब्बल 23 वर्षानंतर देवेंद्र फडणवीस यांच्या नावावरील रेकॉर्ड मोडले जाणार आहे . आर्या राजेंद्रननं महापौर पदाची शपथ घेतल्यानंतर ती महाराष्ट्राचे विरोधी पक्षनेते देवेंद्र फडणवीस यांचा विक्रम मोडणार आहे . केरळमध्ये नुकत्याच महापालिका आणि स्थानिक स्वराज संस्थांच्या निवडणुका पार पडल्या आहेत . या निवडणुकीमध्ये तिरुवनंतपुरम महापालिकेत मुडवणमुगल वार्डातून आर्या राजेंद्रन ही 21 वर्षीय तरुणी विजयी झाली आहे . ती आता तिरुवनंतपुरम महापालिकेची महापौर होणार आहे . देवेंद्र फडणवीस वयाच्या 27 व्या वर्षी महापौर झाले होते . देशातील सर्वात तरुण महापौर होण्याचा विक्रम फडणवीसांच्या नावावर आहे.
आर्या राजेंद्रन भारतातील सर्वात तरुण महापौर होणार आहे . ती सध्या ऑल सेंटस कॉलेजमध्ये बीएस्सी मॅथ्सचे शिक्षण घेत आहे . आर्या राजेंद्रन मार्क्सवादी कम्युनिस्ट पक्षाकडून निवडणुकीत विजयी झाली असून ती स्टुडंट फेडरेशन ऑफ इंडियाची राज्य कार्यकारिणीची सदस्य देखील आहे .
आर्या राजेंद्रन सीपीएमच्या बॅच कमिटी सदस्य असून बालाजनसंघम प्रदेशाची अध्यक्ष आहे . आर्याचे वडील इलेक्ट्रिशीयनचे काम करतात . तर , तिची आई श्रीलथा एलआयसी एजंट म्हणून काम करते . केरळमध्ये झालेल्या स्थानिक स्वराज संस्थांच्या निवडणुकांमध्ये डाव्या पक्षांच्या लेफ्ट डेमोक्रॅटीक फ्रंटने विजय मिळवला आहे . स्थानिक स्वराज संस्थांच्या निवडणुकीत एलडीएफ प्रथम क्रमांकावर , काँग्रेस दुसऱ्या क्रमांकावर राहिली .
