चक्रवर्ती सम्राट अशोक जयंती उत्साहात; कन्हानमध्ये धम्म रॅली व सांस्कृतिक कार्यक्रमांची रंगत

कन्हान,ता.२८

येथील सिद्धार्थ कॉलनी बुद्धविहारात केसीएस लामा चॅरिटेबल ट्रस्ट भारत, नागपूर यांच्या वतीने प्रियदर्शी चक्रवर्ती राजा सम्राट अशोक यांची जयंती उत्साहपूर्ण वातावरणात साजरी करण्यात आली. यानिमित्त विविध सांस्कृतिक कार्यक्रमांसह भव्य धम्म रॅलीचे आयोजन करण्यात आले होते.

दि. २६ मार्च रोजी सायंकाळी ६ वाजता ‘कौन छौन सौनाम लामा चॅरिटेबल ट्रस्ट’चे संस्थापक अध्यक्ष भदंत आर्य के.सी.एस. लामा महाथेरो यांच्या हस्ते बोधिसत्व चक्रवर्ती राजा सम्राट अशोक, महाकारुणिक तथागत बुद्ध व विश्वरत्न डॉ. बाबासाहेब आंबेडकर यांच्या प्रतिमांना माल्यार्पण करून धम्म रॅलीला प्रारंभ करण्यात आला.

धम्म रॅलीने महामार्ग क्र. ४४ मार्गे कन्हान शहरातील विविध भागातून भ्रमण केले. डॉ. बाबासाहेब आंबेडकर चौक, सद्धम्म बुद्ध विहार रेल्वे स्टेशन रोड, तारसा चौक, गहूहिवरा चौक, पांधण रोड आदी मार्गांवरून जात पुन्हा सिद्धार्थ कॉलनी बुद्ध विहारात रॅलीचा समारोप झाला. रॅलीदरम्यान बौद्ध बांधवांनी शांती, समता आणि बंधुत्वाचा संदेश देत परिसर दणाणून सोडला.

यानंतर आयोजित सांस्कृतिक कार्यक्रमात चिमुकल्या विद्यार्थ्यांनी सम्राट अशोक यांच्या जीवनावर आधारित प्रभावी भाषणे सादर केली. भगवान नितनवरे व प्रभुदास धनविजय यांनी सम्राट अशोक यांच्या जीवनकार्याचा आढावा घेत उपस्थितांना प्रेरित केले. कार्यक्रमाचे संचालन राजेश फुलझेले यांनी केले, तर आभार प्रदर्शन गौतम खंडारे यांनी मानले.

या कार्यक्रमात बुद्धीस्ट वेलफेअर सोसायटी, समता सैनिक दल कन्हान, अखिल भारतीय भिक्खू महासंघ व सम्राट अशोक जयंती समारोह समिती कन्हान यांचा सक्रिय सहभाग होता. कार्यक्रमादरम्यान बुद्ध वंदना घेण्यात आली तसेच प्रियदर्शी सम्राट अशोक यांच्या छायाचित्रांचे वाटप करण्यात आले. शेवटी स्नेहभोजनाने कार्यक्रमाची सांगता झाली.

याप्रसंगी विनायक वाघधरे, पुंडलिक मानवटकर, दौलत ढोके, महेंद्र चव्हाण, राजेश फुलझले, संजय चांहदे, नितीन मेश्राम, रोहित मानवटकर, नगराध्यक्ष राजेंद्र शेंद्रे, नगरसेवक केतन भिवगडे, नगरसेविका सुचित्रा माटे, नगरसेविका पूनम राठी, मयूर माटे, पंकज रामटेके, अश्वमेघ पाटील, रजनीश बाळा मेश्राम, अभिजित चांदूरकर, संदिप शेंडे, चंद्रशेखर डोंगरे, गौतम खंडारे, प्रवीण चांदुरकर, नितेश टेंभुर्णे, रत्नादीप गजभिये, बादल सहारे, जितू टेंभुर्णे, गुड्डू ठाकूर, आनंद चव्हाण, शैलेश दिवे, आदित्य टेंभुर्णे, निशांत मोटघरे, वंदना ढोके, अनिता डोंगरे, अस्मिता डोंगरे, सुनंदा बारमाटे, विजया निकोसे, कमला गटपाडे, बबीता मानवटकर, वनंदा टेंभुर्णे, दुर्गा गजभिये, अर्चना चव्हाण, अनिता दुपारे, मनुकला वाघमारे, वैजयंती पाटील, ज्योती मोटघरे, रुक्मिणी बनसोड, दुर्गा निकोसे, मालती कोल्हाटकर, जिजा मानवटकर, अर्चिता फुलझेले, सुनिता वासनिक, भावना टेंभूर्णे यांच्यासह मोठ्या संख्येने बौद्ध उपासक-उपासिका उपस्थित होते.

सम्राट अशोकांचे विचार आजही मार्गदर्शक – भदंत लामा महाथेरो

यावेळी मार्गदर्शन करताना भदंत आर्य के.सी.एस. लामा महाथेरो म्हणाले, सम्राट अशोक यांनी मानवतेच्या कल्याणासाठी लोककल्याणकारी योजना राबवून आदर्श राज्यव्यवस्था निर्माण केली. त्यांच्या राज्यात सुख, समृद्धी आणि न्याय नांदत होता. त्यांनी जगाला दया, करुणा, शांती आणि मैत्रीचा संदेश दिला. बौद्ध धर्माचा स्वीकार करून त्यांनी भगवान गौतम बुद्धांच्या विचारांचा प्रसार करत मानवतेच्या कल्याणाचे कार्य पुढे नेले. त्यामुळेच सम्राट अशोक हे देशातील महान सम्राट म्हणून ओळखले जातात